Lover for Sullamrei Historielag

 

Vedtekne på Fjellvang den 28.4.93

 

  • 1.

Sullamrei Historielag er eit lokalhistorisk lag for Øvre Vinje. Medlemskap er ope for alle.

 

  • 2.

Føremålet til laget er:

 

  1. Å arbeide for at alt av historisk interesse innan Øvre Vinje vert teki vare på og verna om.
  2. Å vekkje, auke og spreie interesse for og kunnskap om Øvre Vinjes historie.

 

  • 3.

For å nå føremålet kan laget:

 

  1. organisere og leie lokalhistorisk arbeid: møte, kurs, ekskursjonar, registreringar, innsamling av munnleg tradisjon, stadnamn og anna av historisk interesse.

 

  1. arbeide for at det vert gjevi ut historiske skrifter med lokalhistorisk innhald: bygdebøker, årsskrift for laget og andre aktuelle prentesaker.

 

  1. arbeide for vern av fortidsminne og kulturminne av alle slag i Øvre Vinje.

 

  1. d) samarbeide med skulen og med ymse lag i arbeidsområdet, med Telemark Historielag og historielaga i kommunen og andre kommunar.

 

  • 4.

Laget skal vera medlem av Landslaget for bygde- og byhistorie.

 

  • 5.

Årsmøtet er den høgaste styresmakt for laget.

Det bør haldast innan utgangen av mars månad.

Møtet må kunngjerast minst 2 veker i førevegen i lokalpressa.

 

Møtet skal handsame desse saker:

årsmelding,

rekneskap,

budsjett,

årspengar,

val av formann og styremedlemer,

revisor og andre tillitsmenn.

Saker som skal fram på møtet, må ha komi inn til styret skriftleg minst ei veke før møtet.

 

  • 6.

Laget skal ha eit styre på 5 medlemer:

 

Leiar,

nestleiar,

sekretær,

kasserar og

1 styremedlem,

2 varamedlemmer til styret.

 

Styret er bindeleddet til laget med andre historielag, fylkeslag, kulturstyret i kommunen og i fylket.

Det har ansvaret for økonomien til laget og det som høyrer laget til.

 

Styret er vedteksført når minst 3 av medlemene er til stades og det er innkalla på vanleg lovleg måte.

 

  • 7.

Held ikkje styret årsmøte i 2 år etter kvarandre, kan ei gruppe av medlemer - etter vanleg kunngjering - halde årsmøte.

Det nye styret tek over rettar og plikter til det gamle styret.

 

  • 8.

Oppløysing av laget kan ein berre avgjera på eit ekstraordinært årsmøte 3 mnd etter at forslaget om oppløysning er fremma på ordinært årsmøte, med 2/3 fleirtal av dei frammøtte medlemmene. 

Ein skal samrå seg med Telemark Historielag og med landslaget for bygde- og byhistorie.

 

Det laget eig, kan overførast til andre lag i kommunen, eller stillast til rådvelde for tiltak i kommunen som samsvar med føremålet til laget, eller det kan førast over til Telemark Historielag.

Arkivet til laget skal gå inn i lokalarkivet til kommunen, eller til fylkesarkivet eller til Statsarkivet i Kristiansand.

 

  • 9.

Framlegg til bridge av lovene må ha komi til styret minst 3 veker før årsmøtet.

Lovbridge kan ein berre gjera på vanleg årsmøte, og det krev 2/3 fleirtal av dei frammøtte medlemene.

 

  • 10.

Styret er pliktig til å føre møtebok.